സഞ്ചാരികളുടെ ഇഷ്ടയിടമായ ദുബൈ ഗ്ലോബല് വില്ലേജില് ക്രിസ്തുമസ് ആഘോഷങ്ങള് തുടങ്ങി. 22 ദിവസം നീളുന്ന വിവിധ പരിപാടികള് ഗ്ലോബല് വില്ലേജില് നടക്കും. ക്രിസ്തുമസ് ആഘോഷങ്ങള്ക്കായി ലോകത്തിന്റെ വിവിധ ഭാഗങ്ങളില് നിന്നുള്ളവരെ പ്രതീക്ഷിച്ചാണ് പരിപാടികള് ഒരുക്കിയിരിക്കുന്നത്. ജനുവരി 5 വരെ നീളുന്ന ആഘോഷ പരിപാടികളിൽ സാന്തയും ചങ്ങാതിമാരും വിരുന്നെത്തും. മഞ്ഞുകാലത്തെ അനുസ്മരിപ്പിച്ചു ഗ്ലോബൽ വില്ലേജിന്റെ രൂപവും ഭാവവും മാറും. 21 അടി ഉയരമുള്ള ക്രിസ്തുമസ് ട്രീയില് ദീപങ്ങള് തെളിച്ചായിരുന്നു ദുബൈ ഗ്ലോബല് വില്ലേജിലെ ആഘോഷം.
ബഹിരാകാശ യാത്രകൾ സ്വപ്നം കാണുന്നവർക്കായി ഒരുക്കിയിരിക്കുന്ന എക്സോ പ്ലാനറ്റ് സിറ്റിയും ഗ്ലോബൽ വില്ലേജിൽ ഒരുങ്ങി. ഇൻഫിനിറ്റി മിറർ മേയ്സ്, ഗ്രാവിറ്റി വോർടെക്സ്, 5ഡി സിനിമ, ഗാലക്സി ഹണ്ടർ തുടങ്ങിയവയാണ് പ്ലാനറ്റ് സിറ്റിയിലെ പ്രധാന കാഴ്ചകൾ. ലോകത്തിന്റെ വിവിധ ഭാഗങ്ങളിൽ നിന്നുള്ളവർ ഗ്ലോബൽ വില്ലേജിലെ ക്രിസ്മസ് ആഘോഷങ്ങളിൽ പങ്കാളികളാകും.






