ഖത്തര്‍ ദേശീയ ദിനത്തോട് അനുബന്ധിച്ച് യാത്രക്കാര്‍ക്ക് ഇളവുകളുമായി ഖത്തര്‍ എയര്‍വേയ്സ്. ദേശീയ ദിനാഘോഷത്തിന്റെ ഭാഗമായി എക്കണോമി ക്ലാസില്‍ യാത്ര ചെയ്യുന്നവര്‍ക്ക് ടിക്കറ്റിന്‍റെ അടിസ്ഥാന വിലയുടെ 30 ശതമാനവും ബിസിനസ് ക്ലാസില്‍ യാത്ര ചെയ്യുന്നവര്‍ക്ക് ടിക്കറ്റിന്‍റെ അടിസ്ഥാന വിലയുടെ 20 ശതമാനവുമാണ് ഇളവ് പ്രഖ്യാപിച്ചിട്ടുള്ളത്. ഖത്തര്‍ ദേശീയ ദിനമായ ഡിസംബര്‍ 18 വരെയാണ് പ്രമോഷന്‍ തുടരുക. ഈ കാലയളവില്‍ ടിക്കറ്റ് ബുക്ക് ചെയ്താലാണ് പ്രത്യേക ഓഫര്‍ ലഭിക്കുക. ദേശീയ ദിന ഓഫറിന്‍റെ ഭാഗമായി ടിക്കറ്റ് വാങ്ങുന്നവർ 2024 ഡിസംബർ 26നും 2025 മെയ് 31നുമിടയിൽ യാത്ര ചെയ്യണം. ഓഫറുമായി ബന്ധപ്പെട്ട കൂടുതല്‍ വിവരങ്ങള്‍ക്ക് ഖത്തര്‍ എയര്‍വേയ്സിന്‍റെ വെബ്സൈറ്റ് സന്ദര്‍ശിക്കുക.
അതെ സമയം ഡിസംബര്‍ 10 ചൊവ്വാഴ്ച മുതല്‍ ഡിസംബര്‍ 18 വരെ ഉം സലാലിലെ ദര്‍ബ് അല്‍ സായിയില്‍ 2024 ദേശീയ ദിനാഘോഷങ്ങള്‍ ആരംഭിക്കുമെന്ന് ഖത്തർ സാംസ്‌കാരിക മന്ത്രാലയം അറിയിച്ചു. ഈ വര്‍ഷം ദര്‍ബ് അല്‍ സായിയില്‍ സാംസ്‌കാരികവും പൈതൃകപരവുമായ നിരവധി പരിപാടികള്‍ ഉള്‍പ്പെടുത്തിയിട്ടുണ്ട്. ഖത്തറി സംസ്‌കാരത്തെ പ്രതിഫലിപ്പിക്കുന്ന സജീവമായ അന്തരീക്ഷത്തിലേക്ക് കൊണ്ടുപോകാനാണ് മന്ത്രാലയം ആഗ്രഹിക്കുന്നത്. 104 പ്രവര്‍ത്തനങ്ങള്‍ ഉള്‍പ്പെടുന്ന 15 പ്രധാന ഇവന്റുകളാണ് ദേശീയ ദിനാഘോഷത്തിലുള്ളത്. ദേശീയ ദിനാഘോഷത്തിന്റെ ഭാഗമായി പൗരന്മാരും താമസക്കാരും സന്ദര്‍ശകരും ഉള്‍പ്പെടെയുള്ള പൊതുജനങ്ങളോട് ദര്‍ബ് അല്‍ സായി സന്ദര്‍ശിക്കാനും വിവിധ വിഭാഗങ്ങള്‍ക്കും പ്രായക്കാര്‍ക്കും അനുയോജ്യമായ വിവിധ പ്രവര്‍ത്തനങ്ങളില്‍ പങ്കെടുക്കാനും അല്‍ അലി അഭ്യര്‍ത്ഥിച്ചു.
