അയർലൻഡിൽ പൊതു തെളിഞ്ഞെടുപ്പ് നാളെ. രാവിലെ ഏഴ് മണി മുതല് രാത്രി പത്തു മണി വരെയാണ് വോട്ടെടുപ്പ്. ബാലറ്റ് പേപ്പറിലാണ് വോട്ട് രേഖപ്പെടുത്തേണ്ടത്. പിറ്റേന്ന് രാവിലെ ഒന്പതു മുതല് ഒന്പതു മുതല് വോട്ടെണ്ണല് ആരംഭിക്കും. ഡിസംബര് 1, ഞായറാഴ്ച വൈകുന്നേരത്തോടെ തിരഞ്ഞെടുപ്പ് ഫലങ്ങള് പൂര്ണമായി പുറത്തുവരും. ആകെ 30 രാഷ്ട്രീയ പാര്ട്ടികളാണ് തിരഞ്ഞെടുപ്പില് രജിസ്റ്റര് ചെയ്തിട്ടുള്ളത്. പാര്ട്ടി സ്ഥാനാര്ത്ഥികളും സ്വതന്ത്രരും ഉള്പ്പടെ 650 പേരാണ് മത്സര രംഗത്തുള്ളത്.
ഇതാദ്യമായി മലയാളി മത്സരിക്കുന്നു എന്നതും ഇത്തവണ അയർലൻഡ് തെരഞ്ഞെടുപ്പിന്റെ പ്രത്യേകതയാണ്. പാലാ സ്വദേശിനിയായ പ്രവാസി മഞ്ജുദേവിയാണ് (49) ഐറിഷ് പാർലമെൻ്റിൽ മലയാളി സാന്നിധ്യമാകാൻ മത്സര രംഗത്തുള്ളത്. ഡബ്ലിൻ ഫിൻഗൽ ഈസ്റ്റ് മണ്ഡലത്തിൽ ഭരണകക്ഷിയായ ഫിയാനഫോയിൽ പാർട്ടിയുടെ സ്ഥാനാർഥിയായാണിവർ. അയർലൻൻ്റ് മന്ത്രിസഭയിലെ ഭവന,തദ്ദേശ വകുപ്പ് മന്ത്രി ഡറാഹ് ഒ’ബ്രിയാൻ ടി ഡിയ്ക്കൊപ്പം രണ്ടാം സ്ഥാനാർത്ഥിയായാണ് മത്സരം.






