ബംഗ്ലാദേശിൽ പടർന്നുപിടിച്ച്‌ ഡെങ്കിപ്പനി. മരണം 400-കടന്നെന്ന്‌ റിപ്പോർട്ട്‌. ഡയറക്ടറേറ്റ് ജനറൽ ഓഫ് ഹെൽത്ത് സർവീസ് കണക്കുകൾ പ്രകാരം
രാജ്യത്ത്‌ ഡെങ്കിപ്പനിയെത്തുടർന്ന്‌ 78,595 രോഗികളെ ആശുപത്രിയിൽ പ്രവേശിപ്പിച്ചു .നവംബർ പകുതിയോടെ രാജ്യത്ത്‌ 4,173 രോഗികൾ ചികിത്സയിലുണ്ട്. അവരിൽ 1,835 പേർ തലസ്ഥാനമായ ധാക്കയിലും 2,338 പേർ മറ്റിടങ്ങളിലുമാണ്‌. താപനിലയും മൺസൂൺ കാലവും പനി പടരുന്നതിന്‌ കാരണമായെന്നാണ്‌ ആരോഗ്യ വിദഗ്ധർ പറയുന്നത്‌.

“ഒക്ടോബറിൽ പോലും മൺസൂൺ പോലെയുള്ള മഴയ്ക്ക് ഞങ്ങൾ സാക്ഷ്യം വഹിക്കുന്നു, ഇത് അസാധാരണമാണ്,” ജഹാംഗീർനഗർ സർവകലാശാലയിലെ സുവോളജി പ്രൊഫസർ കബീറുൽ ബാഷർ പറഞ്ഞു. കാലാവസ്ഥാ വ്യതിയാനം രോഗാണുക്കളെ വഹിക്കുന്ന ഈഡിസ് ഈജിപ്റ്റി കൊതുകിന് വളരാനുള്ള അനുയോജ്യമായ സാഹചര്യങ്ങൾ ഒരുക്കിയെന്നും അദ്ദേഹം കൂട്ടിച്ചേർത്തു.

ബംഗ്ലാദേശിന്റെ ആരോഗ്യ മേഖലയിലെ ഗുരുതരമായ തകർച്ചയാണ് ഡെങ്കി ബാധിച്ചുള്ള മരണമെന്ന് ലോകാരോഗ്യ സംഘടന മേധാവി ടെഡ്രോസ് അദാനം ഗെബ്രിയേസസ് ചൂണ്ടിക്കാട്ടി. ഇത് ആരോഗ്യ മേഖലയിൽ വലിയ രീതിയിലുള്ള പ്രതിസന്ധി ആണ് ചെലുത്തുന്നതെന്നും അദ്ദേഹം കഴിഞ്ഞ മാസം അഭിപ്രായപ്പെട്ടിരുന്നു.